केंद्र सरकारच्या वतीने घेण्यात आलेल्या इंडिया सायकल फॉर चॅलेंज स्पर्धेत नाशिक शहराने चौथा क्रमांक पटकावला. प्रदूषण टाळण्यासाठी, तसेच नॉन मोटराइज ट्रान्स्पोर्टला प्रोत्साहन देण्यासाठी देशातील सर्व शहरांना सायकलिंग आणि वॉकिंगची सवय लागावी, या उद्देशाने केंद्र सरकारच्या वतीने ही स्पर्धा घेतली होती. यामध्ये देशातील शंभर शहरांनी सहभाग नोंदवला.
फ्रीडम वॉक स्पर्धेत नाशिक स्मार्ट सिटीचे मुख्य कार्यकारी अधिकारी सुमंत मोरे यांनी ४७२ किमी चालून प्रथम क्रमांक पटकावला. स्थापत्य विभागाचे प्रकल्प व्यवस्थापक निखिल भोईर यांनी फ्रीडम रनमध्ये १४० किमी धावून चौथा क्रमांक मिळवला. वित्त विभागाच्या ऐश्वर्या कदम यांनी २०९ किमी सायकलिंग करून तिसरा क्रमांक पटकावला. सायकलिंग, चालणे, जास्तीत जास्त किमी चालणे या स्पर्धेतही नाशिक शहराने यश मिळवले.
