Nashik Farmers: 'हाताच्या फोडाप्रमाणं जपलं, आज याच हातांनी मुठमाती देण्याची वेळ आलीय' अवकाळीमुळे तरुण शेतकऱ्याच्या डोळ्यांत पाणी!

गारपीट, अवकाळी पावसामुळे शेतकऱ्यांच्या स्वप्नांवर पाणी फेरले असून अनेकजण कोलमडले आहेत. तरुण शेतकरीदेखील हतबल झाले आहेत.

नाशिक जिल्ह्यातील अनेक भागांत वादळी वाऱ्यांसह झालेल्या पावसाने अनेक गावांची दुर्दशा झाली आहे. पेठ तालुक्यातील अनेक गावांना गारपिटीचा फटका बसला आहे. तालुक्यातील घनशेत, कुळवंडी, आमलोन, शेवखंडी, अभेटी आदींसह बरडापाडा गावात अनेक घरांची दुर्दशा झाली आहे. याच पावसात बरडापाडा येथील तरुण शेतकऱ्यांने जीवतोड मेहनत घेऊन उभारलेली चार एकरवर उभारलेली पोल्ट्री फार्म जमीनदोस्त झाली आहे. जवळपास 13 हजारहून अधिक पक्षांचा वादळी वाऱ्यात मृत्यू झाला आहे